Figura e Neymar vazhdon të jetë në qendër të vëmendjes, sidomos tani që po flitet për grumbullimin e tij me Seleção në Botërorin e vitit të ardhshëm. Presidenti i Santosit, Marcelo Teixeira, ka shprehur opinionin e tij lidhur me këtë çështje në një intervistë në podcastin ‘Barbacast’.
Teixeira theksoi se Neymar duhet të mbajë fanellën me numrin 10 te kombëtarja braziliane dhe e përshkroi praniën e tij si thelbësore për suksesin e skuadrës. Sipas tij, Neymar ka një rol kyç në pozicionimin, respektin dhe lidershipin e ekipit. “Kombëtarja me Neymar xhiron rreth kësaj. Prania e tij është shumë e rëndësishme,” tha ai.
Megjithatë, në këtë moment, Neymar nuk figuron në planet e trajnerit italian, i cili kërkon që lojtarët të jenë në formë optimale për të konkurruar në nivelin më të lartë. Kjo lë hapur pyetje për të ardhmen e Neymar në Kombëtaren e Brazilit dhe se si do të ndikojë gjendja e tij fizike në përgatitjet për Botërorin e 2026.
