Kreu i shtetit Bajram Begaj, ka shkuar sot në Shkodër dhe është takuar me kryebashkiakun demokrat Bard Spahia, për të diskutuar me të për zgjedhjet e ardhshme vendore. Begaj ka zgjedhur kryeqendrën e veriut për të marrë propozim për lokalet e 2023-it.
Presidenti është takuar veç Bardh Spahisë dhe me kryetaren e Këshillit Bashkiak, Brisela Kadija, dhe këto takime i ka quajtur shumë të mira.
“Takim shumë i mirë me Kryetarin e Bashkisë së Shkodrës z. Bardh Spahia si dhe kryetaren e Këshillit Bashkiak, znj. Brisela Kadija. Vlerësoj bashkëpunimin politik në nivel lokal, një mesazh i shkëlqyer i bashkimit të forcave për të mirën e komunitetit dhe zhvillimin e qytetit.
Transparenca në vendimmarrje, mirëqeverisja dhe konsultimi me komunitetin dhe grupet e interesit duhet të jenë praktikë e zakonshme pune për të gjitha institucionet e zgjedhura”, shkruan presidenti Bajram Begaj, dhe ndan disa foto nga takimi me Spahinë në Shkodër.
