Presidenti i Republikës, Bajram Begaj, po zhvillon një vizitë zyrtare në Republikën Çeke me ftesë të Presidentit Petr Pavel. Ai u prit në një ceremoni solemne në Pragë dhe zhvilloi takime me homologun çek, duke u fokusuar në çështje të rëndësishme si integrimi i Shqipërisë në Bashkimin Evropian, mbështetja e Republikës Çeke për këtë proces, dhe thellimi i bashkëpunimit ekonomik e kulturor.
Në një konferencë për media pas takimit, dy presidentët konfirmuan angazhimin për forcimin e marrëdhënieve mes Shqipërisë dhe Çekisë, duke theksuar se ky bashkëpunim do të sjellë përfitime për qytetarët dhe do të kontribuente në paqen dhe stabilitetin në Evropë. Begaj foli për marrëdhëniet diplomatike ndërmjet dy vendeve, të theksuara nga një histori 103-vjeçare miqësie dhe bashkëpunimi.
Bisedimet mes presidentëve u përqendruan kryesisht në procesin e anëtarësimit të Shqipërisë në BE. Presidenti Begaj vlerësoi mbështetjen e Republikës Çeke gjatë dy presidencave të saj në BE dhe njohu rëndësinë e aplikimit të Shqipërisë për anëtarësim në vitin 2009. Ai theksoi që Çekia ka qenë një mbështetëse e fortë për zgjerimin e BE-së.
Presidenti Begaj gjithashtu përmendi Samitin e Parë të Udhëheqësve të BE-së dhe Ballkanit Perëndimor, i organizuar në Tiranë me mbështetje çek, si një hap të rëndësishëm në procesin e integrimit të rajonit. Ai falënderoi Presidentin Pavel për mbështetje ndaj Kosovës, duke theksuar hapjen e Ambasadës së Kosovës në Pragë dhe liberalizimin e vizave për qytetarët e saj.
Një pjesë e rëndësishme e bisedimeve u kushtua bashkëpunimit ekonomik, që përfshin rritjen e shkëmbimeve tregtare dhe investimeve të drejtpërdrejta çek në Shqipëri. Presidenti Begaj vuri në dukje se Shqipëria mirëpret mijëra turistë çek çdo vit dhe shprehu gatishmërinë për të zgjeruar bashkëpunimin në fusha si teknologjia, inovacioni, energjia e pastër, arsimi dhe kultura.
Gjatë vizitës, Presidenti Begaj kishte takime të veçanta me figura të rëndësishme të qeverisë çek, përfshirë Zëvendëspresidentin e Senatit dhe Kryeministrin në detyrë.
