Manchester United ka arritur një fitore të rëndësishme në transfertën ndaj Wolves, duke e mposhtur atë me rezultatin 1-4 në “Molineux Stadium”. Takimi, i cili ishte një përballje e dominuar kryesisht nga “Djajtë e Kuq”, nisi me një gol nga Bruno Fernandes në minutën e 25’. Megjithatë, Wolves e riktheu baraspeshën në fund të pjesës së parë me golin e Bellegarde në minutën e 45+2’.
Pjesa e dytë e ndeshjes u zhvillua më favori të United, që nuk ndjeu presion. Në minutën e 51’, Mbeumo shënoi për të kaluar sërish në avantazh ekipin e trajnerit Amorim. Mason Mount e rriti avantazhin në 3-1 në minutën e 63’. Pjesa përfundimtare i takoi sërish Fernandes, të cilin e bëri Aktori i Ndeshjes, pasi realizoi një penallti në minutën e 82’.
Pas kësaj fitore, Manchester United ngjitet në vendin e 6-të në ligë me 25 pikë, vetëm një pikë pas vendit të katërt, që siguron kualifikimin në Champions League. Në anën tjetër, situata për Wolves është e vështirë; ekipi ka vetëm 2 pikë pas 15 javësh dhe duket se po e sheh veten në rrezik të rëndë për zbritje në Championship.
REZULTATI:
Wolves 1-4 Man. United
Bellegarde 45+2’ / B. Fernandes 25’, (P) 82’, Mbeumo 51’, Mount 62’
