Një person i konsideruar i rrezikshëm për sigurinë kombëtare është ndaluar sot në Rinas në përpjekje për të hyrë në Shqipëri. Bëhet fjalë për predikuesin fetar Imran Hosein, i cili ishte nisur nga Trinidad drejt Shqipërisë për një agjendë fetare. Autoritetet e sigurisë kishin informacione që lidhnin Hosein me veprime terroriste, çka e bëri të paplotesueshëm hyrjen e tij në vend.
Aktualisht, Hosein po mbahet në Rinas derisa të përfundojë rikthimi i tij në vendin e origjinës. Ai është një studiues dhe predikues islam nga Trinidad & Tobago, i njohur për komentet mbi eshatologjinë islame dhe çështjet moderne globale. Ai është autor librash dhe ligjërues ndërkombëtar në fushat e ekonomisë islame, politikës globale dhe interpretimit të ngjarjeve bashkëkohore në dritën e Kuranit.
Një nga temat kryesore që Hosein trajton është Izraeli, të cilin e sheh si pjesë të një procesi historik dhe profetik, lidhur me përfundimin e botës sipas interpretimit islam. Megjithatë, disa dijetarë dhe institucione islame e kanë kritikuar për interpretim të diskutueshëm të haditheve dhe për qëndrime të pazakonta lidhur me tema të caktuara.
Ndalimi i Hosein thekson shqetësimet e autoriteteve shqiptare për sigurinë kombëtare dhe rreziku që individë të tillë mund të paraqesin.
