Në Myzeqe, ku ndikimet e ndryshimeve klimatike po ndjehen ndjeshëm, shumë fermerë po përballen me vështirësi, si rënien e çmimeve dhe mungesën e tregut. Ndërsa disa e kanë të vështirë të adaptohen, Kadri Fasko nga Radostina e Fierit ka arritur të krijojë një model suksesi përmes përshtatjes së kulturave me klimën.
Për 16 vjet, Fasko ka kultivuar mbi 600 rrënjë portokalle Navalin, një varietet që i përshtatet kushteve të zonës dhe ofron mbi 40 ton prodhim në vit. “Me profesion jam ekonomist, por kam zhvilluar një pasion për agrikulturën. Sot disponoj 1.2 hektarë dhe prodhoj mbi 40 ton produkte bio çdo vit, të cilët i shes në tregun lokal. Këtë vit kam planifikuar të zgjas sipërfaqen me 4 dynym të kultivarit të ri ‘Lanelej’, i cili piqet në prill,” thotë ai.
Megjithatë, ndonëse Fasko ka arritur rezultate pozitive në prodhim, ai e thekson se një sfidë e vazhdueshme mbetet gjetja e fuqisë punëtore. Kjo çështje e rëndon fermerët e zonës çdo vit më shumë, duke treguar se, përballë potencialeve të bujqësisë, duhet të zgjidhen edhe problemet strukturore që ndikojnë në zhvillimin e saj.
Në këtë kontekst, modeli i Faskos paraqet një rast të veçantë se si përshtatja efektive me kushtet klimatike dhe diversifikimi i kulturave agrikole mund të sjellin sukses të dukshëm, përkundër sfidave të tjera që hasin fermerët në rajon.
