Policia greke ka arrestuar një shqiptar pas një ndjeke të vështirë. Sipas mediave greke patrullat e policisë dhe mjetet konvencionale, nga Thesprotia dhe Janina, janë mobilizuar menjëherë, kur është vënë re një makinë e cila kishte hyrë në drejtim të kundërt në autostradë dhe po lëvizte me shpejtësi marramendëse.
Ndjekja ka nisur nga Igumenica dhe mjeti ka lëvizur në drejtim të Selanikut, por në drejtim të kundërt deri te rruga me pagesë Drosohori.
Në të gjitha pikat e pagesës ai theu hekurat për të shpëtuar. Në Drosochori ai ka hyrë në qarkullimin normal dhe pak kilometra më vonë ka filluar të ketë probleme serioze me gomat, ndoshta për shkak të shpejtësisë së tepërt.
Automjeti ka dalë nga kryqëzimi i Meçovës ku më në fund është ndaluar nga policia. Sipas informacioneve të para, në makinë ndodheshin dy persona, një shqiptar dhe një grek i mitur 16 vjeç dhe i ngarkuar me 50 kg drogë.
