Klubi i Pogradecit ka bërë një prej afrimeve më të rëndësishme në historinë e Kategorisë së Parë shqiptare duke nënshkruar me sulmuesin nigerian Imoh Ezekiel. 31-vjeçari ka një karrierë të shquar ndërkombëtare, me eksperienca në disa nga ligat më të forta të botës. Ai ka shkëlqyer në Superligën e Belgjikës me Standard Liege dhe më pas me Anderlecht, ku ka treguar aftësi të jashtëzakonshme.
Ezekiel gjithashtu ka luajtur në La Liga me Las Palmas, me 10 paraqitje dhe ka kaluar nëpër ligat turke dhe katariote me Koniaspor dhe Al-Arabi, ku kalimi i tij për 8 milionë euro tregon vlerësimin e lartë që ka pasur në atë periudhë. Së fundmi, ai ka qenë pjesë e Superligës rumune me UTA Arad, si dhe ka luajtur në Nepal me Laliptur Siti.
Nga janari, Ezekiel ka qenë pa ekip, por tani ai pritet të bashkohet me Pogradecin, duke sjellë në skuadër përvojën dhe cilësitë e tij. Gjatë karrierës, ai ka fituar 6 trofe dhe ka zhvilluar 108 ndeshje në elitën e futbollit belg, duke shënuar 30 gola. Në La Liga, ka marrë pjesë në 10 ndeshje.
Kjo nënshkrim është një mundësi e shkëlqyer për Pogradecin, që shpreson se Ezekiel do të ndihmojë ekipin në objektivat e tij për sezonin e ardhshëm. Kualiteti dhe përvoja e tij mund të kenë një ndikim të madh në performancën e skuadrës në Kategorinë e Parë shqiptare.
