Rreth 720 efektivë të Policisë së Shtetit, që operojnë në vijën e parë të përballjes me rrezikun, do të përfitojnë një rritje të mëtejshme page. Kjo masë përfshin forcat RENEA, Forcat Kombëtare të Sigurisë dhe Forcat e Posaçme Operacionale, të cilët angazhohen për sigurinë e komunave dhe të atdheut.
Sipas njoftimeve, një inspektor në RENEA do të marri rreth 1.600 euro në muaj, ndërsa një drejtues në këtë strukturë do të arrijë deri në 2.300 euro. Për forcat operative, paga për një inspektor do të jetë rreth 1.200 euro, ndërsa për një kryekomisar parashikohet një pagë mes 1.600 dhe 1.700 euro.
Kjo rritje pagash është pjesë e një strategjie më të gjerë që përfshin investime në teknologji, trajnim dhe pajisje, për të forcuar rendin publik dhe për të siguruar një raport të drejtë midis kërkesës për rezultate dhe vlerësimin e këtyre rezultateve. Kryeministri Rama theksoi rëndësinë e këtyre masave në mbështetje të forcave të rendit, duke e konsideruar këtë qasje si një hap të nevojshëm për të garantuar sigurinë dhe rendin në vend.
