Përveç një debati të fortë me Luizin, Efi ka debatuar ashpër edhe me moderatoren Kiara Tito.
Dyshja gjatë spektaklit të sotëm (e marte) janë përplasur me njëra-tjetrën duke përmendur edhe situate nga jashtë.
E gjitha nisi kur Efi e pyeti Kiarën nëse mund të ia konfirmonte nëse është ajo që ka ndikuar në ftohjen e raporteve të saj me Luizin.
Pas kësaj, Kiara përveç që e ka mohuar një gjë të tillë ajo tha se ishte pikërisht moderatorja përmes të cilës Efi ka krijuar një miqësi me Luizin.
Të dy vajzat më pas u ftuan që të hyjnë bashkë në ‘Dhomën e surprizave’ për të diskutuar larg banorëve të tjerë.
Efi tha se ka mbetur e befasuar nga ky reagim i Kiarës madje edhe e krahasoi me aktoren e njohur që u largua ditë më parë, Olta Gixharin.
“Në momentin që ka dal Kiara, i kam thënë në lidhje me mua më merr në telefon kur të duash, unë prita që ajo të qetësohet, kur e pyeta më tha jemi në rregull, i kam marr vesh të gjitha, para se të futemi, si gënjejnë kaq shumë, po më gënjejnë sy me sy, nëse deri më tani është vënë në diskutim se kush po e zë vendin e Oltës ajo je ti, je një zhgënjim”, tha ndër tjera Efi.
Ndryshe, ky raport i tyre ka ndikuar që edhe Luizi të krijojë një raport të ftohtë me Efin, me të cilën para eliminimit të saj kishin një miqësi me njëri-tjetrin.
