Gjykata e Tiranës ka lënë në burg pa afat Altin Morinën, drejtuesin e njësisë së stërvitjes së strukturës elitare RENEA në Shqipëri, i cili pak ditë më parë u arrestua me 113 mijë Euro në makinë që dyshohet se i kishte përfituar nga aktivitet kriminal.
Por sot para gjykatës, Morina u shfaq i qetë duke mohuar akuzën. Ai deklaroi se shumën e kishte marrë borxh 20 minuta përpara arrestimit te një biznesmen.
“Paratë nuk vijnë nga produkt kriminale. I mora borxh 30 minuta përpara se të arrestohesha nga një biznesmen. Do të bashkëpunoj me drejtësinë për të identifikuar biznesmenin” tha ai.
Por prokuroria deklaroi në gjykatë se “Altin Morina ka qenë nën suervejim për të gjitha lëvizjet dhe deri në momentin e arrestimit”. Dyshimet janë të forta se Morina ka lidhje me grupe kriminale, por hetimet vazhdojnë.
