Një ngjarje e rëndë është raportuar në burgun e Peqinit. Mësohet se Sokol Majcaj ka qëlluar me armën drejt një punonjësi të policisë në burgun e Peqinit. Gjithashtu thuhet se ka mbajtur peng edhe punonjësit e kuzhinës.
Burime paraprake bëjnë me dije se Sokol Mjacaj, ka plagosur Ilir Xhakjan dhe Arbën Llezhin të dy të dënuar me burgim të përjetshëm. Të njëjtat burime thanë se Arben Lleshi është në gjendje më të rënduar shëndetësore.
Kujtojmë se Ministri i Drejtësisë, Uli Manja firmosi për të vendosur në regjimin e posaçëm, i njohur si 41 bis, të dënuarin Sokol Mjacaj, i cili vuan dënimin me burgim të përjetshëm në burgun e sigurisë së lartë IEVP “Peqin”.
Sokol Mjaçaj është dënuar nga gjykata si autor i vrasjes së dy turistëve çekë, Michael Svatos 27 vjeç dhe Anna Kosinova 36 vjeçe me qëllim grabitjen e mjetit të tyre fuoristradë. Ngjarje kjo e ndodhur në korrik të vitit 2015, në zonën e Dukagjinit, në Shkodër.
