Babai i Blerina Metës, e cila dyshohet si e përfshirë në vrasjen e bashkëshortit, Pëllimb Meta është shfaqur në gjendje të rënduar emocionale pas ngjarjes. Ai kërkon zbardhjen e plotë të ngjarjes, ndërsa tregon se vajza nuk është në gjendje të flasë.
“Ne jemi bërë me lujt mendsh. Unë nuk e di si jam gjallë. Veç një fjalë kam thënë, të zbardhet e vërteta e kësaj ngjarje. Nuk kërkojmë asgjë. Ato le të rrinë në burg të përjetshëm nëse e meritojnë. Nëse nuk e meritojnë, ta vendosin organet kompetente. Unë nuk e di si jam gjallë. Unë e kam kaluar një situatë të vështirë. Tani është më e rëndë. Unë as vajza nuk jemi në gjendje të flasim”,-u shpreh i ati i Blerina Metës.
Ndërkohë vëllai dhe motra e të ndjerit Pëllumb Meta akuzojnë gruan e tij se ajo ka nxitur fëmijët të vrasin babanë e tyre. Vetë Blerina Meta ka deklaruar se, burri i saj ishte i dhunshëm dhe se prej 26 vitesh martesë ajo është përballur me dhunë sistematike. Ndërsa nga dhuna nuk kanë shpëtuar as fëmijët.
Prokuroria pritet që të marrë sërish në pyetje tre fëmijët, për të ballafaquar deklaratat e tyre në lidhje me ditën kur ka ndodhur vrasja, dhe rolin që ka pasur secili. Blerina Meta aktualisht është e lirë, edhe pse nën hetim, për akuzën e moskallëzimit të krimit.
Pëllumb Meta u gjet i varrosur në kasollen e bagëtive pranë banesës së tij. Policia thotë se ai u vra nga Hysen Meta që bashkëpunoi me motrën Hygertën për ta kryer krimin. Më pas për të zhdukur trupin ka ndihmuar edhe vëllai tjetër, Amarildo. Të tre tashmë janë pas hekurave të qelisë në arrest me burg. Ndërkohë mamaja e tyre, Blerina po hetohet në gjendje të lirë.
