Një protestuese ka rënë pa ndjenja për pak çaste, teksa ajo ishte duke bërë thirrje që Policia e Shtetiit të mos dhunojë të rinjtë, por të gjejë mënyra për t’i dënuar kur ata kryejnë vepra penale.
Kanë qenë disa qytetarë që i kanë dhënë ndihmën e parë mjekësore, ndërsa raportohet se ajo është rikuperuar për t’u larguar më pas.
32 vjeçari Lear Kurti u arrestua në lagjen “Don Bosko” në Tiranë, mbrëmjen e të mërkurës dhe shfaqi probleme shëndetësore gjatë shoqërimit në komisariat. Ai u transportua drejt spitali të Traumës, por mbërriti i vdekur aty.Sipas ekspertizës mjeko-ligjore rezulton se i riu ka gëlltitur disa qese me lëndë narkotike gjatë kohës që po ndiqej nga efektivët duke ndërruar jetë nga mbidoza.
