Dy vëllezër nga fshati Çukas i Lushnjës janë konfliktuar ditën e sotme për motive pronësie.
Ngjarja ndodhi rreth orës 08:00 të mëngjesit në rrugën kryesore të fshatit. Fillimisht dy vëllezërit Nazif dhe Hazis Musa janë konfliktuar me sende të forta dhe më pas sherri ka agravuar deri në përdorimin e armëve.
Fillimisht Hazis Musaj ka goditur me sëpatë e më pas vëllai tjeter, Nazifi i është përgjigjur me armë tip pistoletë. Hazisi ka marrë një plumb në ballë.
Nazif Musaj ka deklaruar se vëllai i vogël e ka goditur disa herë, duke e vënë poshtë, kështu ai u detyrua të nxirrte armën dhe ta gjuante. Sipas dëshmisë, ai donte të vriste dhe veten, por e pa që vëllai ishte gjallë dhe nuk e bëri këtë veprim.
“Vëllai më i vogël më goditi disa here duke më vënë poshtë. I gjendur në këto kushte nxora pistoletën dhe e qëllova. Kisha kohë që kisha probleme me të, kisha njoftuar dhe te policin e zonës. Pasi e qëllova me pistoletë doja të vrisja dhe veten, por e pash qe ai nuk vdiq dhe nuk e bëra këtë veprim”, tha 77-vjeçari.
Vizion Plus mëson se armët e përdorura në konflikt janë sekuestruar nga policia.
Pas konfliktit dy vëllezërit janë dërguar në spitalin e Lushnjës.
Por gjendja e Hazis Musajt është e rëndë dhe është dërguar drejt spitalit të Traumës. Ndërkohë policia po merr në pyetje familjarët për të zbardhur ngjarjen e rëndë që mund të kishte përfunduar në tragjedi.
