Ngjarja e rëndë ndodhi në Mamurras, ku u identifikua i plagosuri me armë zjarri, Marketin Pjetër Marku, 51 vjeç. Sipas informacioneve të mëparshme, ai ka marrë plagë në dorë dhe aktualisht është nën kujdesin e mjekëve, por jashtë rrezikut për jetën.
Pas hetimeve të kryera nga Komisariati i Policisë Kurbin dhe DVP Lezhë, janë identifikuar dhe shpallur në kërkim dy të rinj, Roeni Noka dhe Oligert Ndreca, të dy 18 vjeç, po ashtu banues në Mamurras. Ata dyshohen se kanë plagosur Markun për motive të dobëta gjatë një përplasjeje në rrugë.
Pas ngjarjes, të dy autorët janë larguar me një automjet, i cili është gjetur më pas në banesën e njërit prej tyre dhe është sekuestruar si provë. Policia po punon intensivisht për kapjen e autorëve dhe për të përcaktuar përgjegjësinë e tyre penale.
Ky incident ka shumfishuar shqetësimet për sigurinë në zonë dhe thekson nevojën për masa të tjera preventive nga autoritetet lokale.
