Policia e Tiranës ka reaguar pas ngjarjes së rëndë të mbrëmjes së sotme, ku mbeti i plagosur një person në zonën pranë “Pediatrisë” në kryeqytet.
Sipas njoftimit për mediat, mësohet se i plagosur ka mbetur një efektiv i repartit “Shqiponja”, i cili ishte në ndjekje të një personi të dyshimtë, i cili edhe i ka qëlluar me armë.
I plagosur ka mbetur efektivi E.A., i cili ndodhet aktualisht në sallën e operacionit, ndërsa kolegët e tij i janë vënë pas të dyshuarit.
“Njoftim për Mediat: Ndërsa Policia e Shtetit vijon kontrollin për personat në kërkim, një patrullë e repartit “Shqiponja” në ndjekje të një personi të dyshimtë është qëlluar nga ky person dhe për pasojë ka mbetur i plagosur punonjësi i policisë E.A. Punonjësi i Policisë është në sallën e operacionit ndërsa Policia është vënë në ndjekje të autorit.”, njofton Policia e Tiranës.
