ANGLI- Drejtësia angleze ka me burgim të përjetshëm, 31-vjeçarin Sabajet Shuti në lidhje me vrasjen 27-vjeçarit Lumturi Zeqja. Shuti i njohur me pseudonimin “Skilla” është anëtari i bandës “Hellbanianz”.
Vëllai i 31-vjeçarit, Emirlion Shuti u shpall fajtor për përleshje po për të njëjtën ngjarje. Ai mori një dënim me 20 muaj burg i konvestuar në shërbim prove. Emirlioni ishte i njohur me pseudonimin “Mili HB” dhe ishte pjesëtar në bandët ku merrte pjesë edhe vëllai i tij.
Gjykata dëgjoi se si Sabajet Shuti nisi sulmin mbrëmjen e 16 tetorit 2022 në Church Lane, Leytonstone. Lumturiu po qëndronte jashtë një kafeneje me mikun e tij kur vëllezërit Shuti mbërritën rreth orës 22:40 me dy makina. Vëllezërit shkuan në një kafene tjetër, por pak më vonë Emirlion Shuti u kthye në njërën nga makinat dhe filloi ta ngiste atë përgjatë rrugës.
Shoku i Lumturiut iu afrua Emirlionit dhe i tha të ndalonte, por në vend që ta bënte këtë, Emirlioni doli nga makina dhe foli me vëllain e tij dhe të tjerët që ishin jashtë kafenesë. Situata u përshkallëzua shpejt pasi Emirlion Shuti e goditi me grusht shokun e Lumturiut. Gjatë grindjes që pasoi, Sabajet Shuti nxori një thikë dhe e goditi dy herë Lumturiun, dhe shokun e tij një herë.
Të dy vëllezërit ikën nga vendi i ngjarjes duke e lënë Lumturiun të vdekur në trotuar. Pavarësisht përpjekjeve mjekët nuk mundën ta shpëtonin 23-vjeçarin. Shoku i tij u dërgua në spital për një ndërhyrje kirurgjikale urgjente dhe i mbijetoi sulmit.
Një ditë pas vrasjes, Sabajet Shuti bëri plane për t’u larguar nga Mbretëria e Bashkuar. Ai ndryshoi pamjen e tij duke rruar mjekrën dhe më pas udhëtoi për në Folkestone përpara se të kalonte Kanalin në Francë. U lëshua një urdhër arresti për të dhe rreth një vit pas sulmit, më 3 tetor 2023, Sabajet Shuti u arrestua në Suedi. Ai u ekstradua përsëri në Mbretërinë e Bashkuar për t’u përballur me pasojat e veprimeve të tij. Gjatë periudhës ndërmjetëse, detektivët kishin arrestuar dhe të akuzuarin Emirlion Shutin për rolin e tij në sulm.
