Ish-kryeministri i Pakistanit, Irman Khan ka mbetur i plagosur me armë zjarri gjatë një atentati ndaj tij teksa merrte pjesë në një tubim.
Persona të armatosur hapën zjarr ndaj autokolonës së Khan, teksa ai po drejtonte një protestë për në Islamabad, ku do të kërkonte mbajtjen e zgjedhjeve të parakohshme.
Sipas informacioneve paraprake nga mediat pakistaneze, Khan ka arritur të shpëtojë, por ka mbetur i plagosur me një plumb në këmbë. Katër persona të tjerë që e shoqëronin gjithashtu kanë mbetur të plagosur, përfshi edhe senatorin Faisal Javed Khan.
Ngjarja ka ndodhur në qytetin Wazirabad në veri të vendit.
