Alfred Peza drejton RTSH në mënyrë të papërgjegjshme. Kapteri, dritëshkurtësinë e tij në kapacitetet e njohurive televizive dhe drejtuese, e sharton me ato të Bora Xhanijes, Endra Ceco-s, Enkelejd Lamaj, Anila Agalliut, Erion Xhabaftit, Lad Grorit, farefisit të tij apo të pronarëve të cilët i ka vjedhur(normalisht jo para krahëve) për të marrë titullin Mister Milionshi.
Dhe publikut nëpërmjet ekranit dhe spoteve boshe pa mesazh, pa ide, me shkrime pa nivel, përpiqet ti jepet informacion i rremë sikur RTSH po vjen me vizion të ri. Vërtet Bora Xhanija është e re në moshë, por për arsye nga më sentimentalet, fjala e saj peshon më shumë se e Pezës.
Ajo nuk di të bëjë as programe për fytyrë të re, as për imazh të vjetër, maksimumi ajo ka kryer programe “speciale” në portalin e Alfred Pezës, në shpërblim të të cilave ai e ka emëruar Drejtuese të Lartë të Programeve në RTSH.
Sfidohet publikisht Drejtori i Përgjithshëm i RTSH të bëjë transparencë publike për kriteret me të cilat është emëruar Bora Xhani në atë post. Ky është detyrim moral në një institucion publik që financohet nga lekët e taksapaguesve Shqiptarë, dhe detyrim ligjor kur ai auditohet nga Kontrolli i lartë i shtetit.
KLSH që është në RTSH me dy grupe Auditi, të kontrollojë emërimet e paligjshme të Alfred Pezës në kundërshtim me rregulloret dhe kërkesat e vendit të punës, të cilat kanë vendosur në risk të madh institucionin publik, por kapteri nuk i kupton rregullat e shtetit. Ai kujton se qeveris pronat e veta apo maksimumi të Ylli Ndroqit. Kontrolli i Lartë i Shtetit të kontrollojë gjithashtu të gjithë blerjet jo transparente që Kapteri ka bërë në dy muajt e fundit.
Me çfarë do i bëjë programet e fytyrë së re të RTSH Kapteri me Bora Xhanijen e cila vuan nga inferioriteti i intelektualëve dhe akoma nuk e ka kuptuar në çfarë karrige është ulur dhe se për çfarë firmos? Bora dhe plotësuesi i dëshirave (ëndrrave) të saj, vazhdojnë heshtin me kokëfortësi ndaj çdo lloj ftese publike për transparencë apo publikim të fakteve për ndjekjen e procedurave.
Nëse janë me të drejtë le ti publikojnë i shërbejnë dhe kauzës së tyre njëkohësisht, por ata fshihen pas njeri tjetrit derisa Komisioni i Medias dhe Kryetari i Këshillit Drejtues t’ua bëjë publike të gjithë faktet të cilat i kërkuar dhe Komisioni i Medias, i cili do e heqë me ceremoni nga RTSH kapterin me gjithë çetën e tij MEME-iste (publiku i ka parë tashmë ato). Bora Xhanija si komandante e çetës kërkon dy herë në ditë t’i bëjë rreshtore punonjësve që ka në varësi dhe përpiqet të poshtërojë dhe shantazhojë këdo që i pret rrugën apo e bën atë në halucinacionet e saj të dyshojë se do e rrëzojnë.
Ajo ka shoqe Kejsi Lama, të emëruar së fundi si kryeredaktore e kanalit të parë të RTSH, nga një përkthyese e rëndomtë me dy vite punë në TRING merr udhëheqjen e kanalit të parë të Televizionit Publik Shqiptar, e shpallur fituese padrejtësisht përballë një redaktori tjetër me 20 vite punë në profilin që ishte konkursi.
Por të gjitha këto ndodhin sepse kapteri nuk do ti japë llogari as Këshillit Drejtues, as auditit të brendshëm të RTSH, Drejtoren e të cilit e pushoime nga puna, sepse tentoi të auditonte ndonjë veprim apo vendim të tij. Prodhimi i vetëm që duan të bëjnë është Jetë Shqiptarësh që është totalisht kopje e shëmtuar e Shqipëria Live në Top Channel.
Kushdo mund ta verifikojë lehtë. Pretendojnë se kanë bërë zgjidhje me emisionin Stacioni Rozë, një emision për të rinj nga vetë emri dhe tematika dhe e transmetojnë në kanal të parë të televizionit Publik. Ky pra është efekti i të pasurit Bora Xhanijen Drejtuese Programesh, dhe transmeton emisonin rozë në atë orë kur në shtëpi janë vetëm gjyshet me gjyshërit, përveç se ai është copy paste nga portalet e Alfred Pezës.
Gjithashtu ky emision shfaq video nga Youtube pa asnjë të drejtë transmetimi, i ndaluar ky veprim me ligj dhe i ndëshkuar me gjobë. Gjithashtu ai emision s’ka asnjë tematikë aktuale apo trajtim problemesh përveç ritransmetimeve nga Youtube.
Veprat e shkatërrimit të RTSH nga Alfred Peza do vazhdojnë të pasqyrohen në këtë dritare informimi në ditë në vazhdim.
