Një grup i rrallë gjaku, Rh-null, i njohur si “gjak i artë”, ka bërë përshtypje të madhe në komunitetin shkencor. Ky grup eshtë më i rralli nga të gjithë dhe mund të jetë jetik në situata emergjente. Rreth 1 në 6 milion njerëz kanë këtë grup, i cili karakterizohet nga mungesa e antigjeneve Rh në qelizat e kuqe të gjakut.
Për të identifikuar grupin e gjakut, antigenet A ose B analizohen së bashku me faktorët Rh, që e përcaktojnë nëse është pozitiv apo negativ. Ndërsa individët me Rh-null nuk kanë asnjë nga këto antigjene, duke i bërë ata të veçantë dhe me nevojë për gjak specifik. Këta persona mund të marrin vetëm gjak Rh-null, dhe çdo transfuzion me antigjene të ndryshme mund të shkaktojë reaksione fatale.
Për shkak të kësaj cilësie, ata që kanë këtë grup gjaku mbështeten në një rrjet të vogël dhuruesish. Një “Arkiv i Donatorëve të Rrallë” është krijuar për të ruajtur njësitë e këtij gjaku deri në 10 vjet, duke qenë kritike për pacientët që kërkojnë transfuzione urgjente. Aktualisht, vetëm 10 dhurues aktivë të Rh-null ekzistojnë në botë. Një shembull i njohur është Suzette Fourie nga Afrika e Jugut, e cila ka dhuruar më shumë se 63 njësi gjaku dhe ka shpëtuar jetë të shumta.
Shkencëtarët, duke përfshirë profesorin Ash Toy nga Universiteti i Bristolit, po përpiqen të riprodhojnë Rh-null në laborator. Megjithatë, përdorimi i teknikave të redaktimit të gjeneve është i rregulluar nga ligje strikte, duke e bërë këtë proces të ndërlikuar dhe të ngadalshëm. Toy ka ngritur gjithashtu një kompani për të mbledhur mostra gjaku nga individë me grupe të rralla, të cilat mund të shërbejnë për të krijuar linja qelizore në laborator që prodhojnë qeliza të kuqe të gjakut.
Menaxhimi dhe ruajtja e gjakut Rh-null kërkon kushte të veçanta, ndërsa numri i ulët i qelizave e bën grumbullimin dhe sigurimin e tij për transfuzion një sfidë për mjekët dhe infermierët. Kjo ndërlikueshmëri në trajtimin e pacientëve me këtë grup të rrallë gjaku thekson rëndësinë e zgjidhjeve të qëndrueshme për të ardhmen.
