Përleshje të reja kanë shpërthyer mes forcave talibane afganë dhe Pakistani në kufirin e përbashkët, teksa të dyja palët akuzojnë njëra-tjetrën për shkeljen e një armëpushimi të brishtë. Banorët në qytetin afgan Spin Boldak u larguan gjatë natës për shkak të dhunës, ndërsa nga një burim mjekësor në Kandahar u raportua se në spital kanë mbërritur katër të plagosur. Po ashtu, në Pakistan janë raportuar tre të plagosur.
Përleshjet mes dy vendeve kanë qenë të vazhdueshme për muajr, me qeverinë talibane që akuzon Pakistanin për sulme ajrore brenda territorit të saj. Të dyjat kanë pranuar shkëmbim zjarri gjatë natës, megjithatë, secila palë ka fajësuar tjetrën për nisjen e luftimeve që zgjatën katër orë. Një zëdhënës i kryeministrit pakistanez, Shehbaz Sharif, akuzoi Talibanët për “të shtëna të paprovokuara”, duke theksuar se forcat e armatosura të Pakistanit kanë reaguar ashpër dhe janë të gatshëm për të mbrojtur integritetin territorial të vendit.
Nga ana tjetër, një zëdhënës i Talibanëve tha se Pakistani kishte filluar sërish sulmet, duke i detyruar ata të përgjigjen. Pamjet nga zona tregojnë një numër të madh afganësh që ikin nga frika e përshkallëzimit të dhunës, duke u larguar në këmbë dhe me automjete.
Përleshjet e natës erdhën pas një armëpushimi të ndërmjetësuar nga Katari dhe Turqia, të cilat ishin arritur pak më shumë se dy muaj më parë. Ky armëpushim kishte përfunduar luftime më të ashpra mes forcave pakistaneze dhe talibaneve që nga rikthimi i grupit në pushtet në vitin 2021, pavarësisht tensioneve të vazhdueshme në rajon.
Situata mbetet e tensionuar, duke reflektuar një klimë të përgjithshme pasigurie dhe mosmarrëveshjesh mes dy vendeve, që mund të ndikojë në stabilitetin e rajonit.
