Një tragjedi ka ndodhur në Precenicco, Udine, ku një vajzë 17-vjeçare, Alice Morsanutto, ka humbur jetën pas një aksidenti me makinë në mëngjesin e sotëm. Ngjarja u regjistrua rreth orës 06:30, vetëm 200 metra nga shtëpia e saj, ndërsa ajo ishte në rrugë drejt stacionit të autobusit për të shkuar në shkollë.
Sipas informacioneve, Alice kalonte rrugën pranë vijave të bardha kur u godit nga një makinë e drejtuar nga një i ri. Ky i fundit ndaloi menjëherë për të ofruar ndihmë dhe lajmëroi shërbimet e emergjencës. Ambulanca, një helikopter i emergjencës dhe zjarrfikësit mbërritën shpejt në vendin e ngjarjes, por përpjekjet për reanimimin e saj dështuan. Babai i Alice u alarmua nga sirenat dhe zbriti në rrugë, por ndihma erdhi te vonë.
Një fakt prekës në këtë histori është se vëllai binjak i Alice kishte marrë autobusin disa çaste para aksidentit dhe ndodhej tashmë në rrugë, i paditur për tragjedinë që kishte ndodhur. Mësohet se Alice ishte nxënëse në liceun artistik Sello në Udine dhe njihej për përkushtimin e saj ndaj studimeve.
Autoritetet lokale, përfshirë karabinierët, kanë nisur hetime për të zbardhur rrethanat e aksidentit dhe për të përcaktuar përgjegjësitë. Ngjarja ka shkaktuar një tronditje të thellë në komunitet, duke lënë pas dhimbje dhe pikëllim për humbjen e një vajze të re dhe premtuese.
