Një tjetër aksident ka ndodhur pasditen e sotme në aksin Peqin-Elbasan. Mësohet se dy automjete janë përplasur “kokë më kokë”, ndërsa raportohet se ka edhe të plagosur.
Mjetet dyshohet se kanë qenë duke lëvizur me shpejtësi të lartë. Në vendngjarje ka mbërritur ambulanca dhe Policia e cila po punon për zbardhjen e rrethanave të aksidentit.
Theksojmë se dhjetë aksidente kanë ndodhur në rrugët e Shqipërisë gjatë ditës së sotme. Shkak kryesor është bërë lagështia në rrugë si pasojë e reshjeve intensive që kanë filluar prej orëve të mëngjesit. Po ashtu dhe rrugët e amortizuara në disa akse nacionale.
