TEPELENË- Një tjetër aksident rrugor raportohet se ka ndodhur mbrëmjen e sotme në vend, konkretish në Mezhgoran të Tepelenës.
Sipas raportimeve, një automjet është përmbysur në aksin rrugor Ura e Leklit Këlcyrë. Drejtuesi i automjetit ka mbetur i lënduar ndërsa pritet mbërritja e ambulancës për t’i ardhur në ndihmë.
Policia ndodhet në vendin e ngjarjes dhe po punon për zbardhjen e shkaqeve të aksidentit.
