Sokol Mjacaj, Ilir Xhakja dhe Arben Lleshi janë tre personat që janë përplasur në burgun e Peqinit. Drejtoria e Burgjeve njoftoi se dy persona janë plagosur. Nuk dihet nëse bëhet fjalë për dy nga tre të dënuarit e përfshirë.
Paraprakisht theksohet se janë qëlluar me armë zjarri. Por ku e morën armën në këtë burg të sigurisë së lartë? Mundësitë janë dy; ose ia kanë marrë gardianit ose e kanë futur fshehurazi qo do të ishte një tjetër skandal, pasi bëhet fjalë për një burg të sigurisë së lartë. Në media u raportua se ka dyshime se arma u fut me dron.
Ilir Xhakja është dënuar për vrasjen e kryekomisarit të Shijakut, Adem Tahiraj, Sokol Mjacaj i dënuar përjetë për vrasjen e dy turistëve çekë në vitin 2015 në Shkodër dhe Arben Lleshi i dënuar me 32 vjet burg për vrasjen e Agim Hoxhës në 10 prill 2012.
