LUSHNJE- Një automjet është përfshirë nga flakët mëngjesin e sotëm në aksin Fier-Lushnje. Ngjarja ka ndodhur në vendin e quajtur “Vajkan”. Mjeti tip “Land Rover” mësohet se është përfshirë nga flakët gjatë ecjes. Fatmirësisht nga zjarri nuk ka të lënduar.
Shoferi dhe pasagjeri kanë mundur të dalin në kohë nga makina, e cila është shkrumbuar. Shkak i zjarri dyshohet të jetë bërë një defekt në motor. Në vendngjarje kanë shkuar menjëherë shërbimet zjarrfikëse, të cilat kanë ndërhyrë për shuarjen e flakëve. E pranishme është edhe policia me grupin hetimor për të zbardhur shkaqet e rënies së zjarrit.
