Një ngjarje e rëndë ka ndodhur në Berat, ku dy motra janë përdhunuar nga shtetasit Ardit Nano dhe Andon Shoshari, të cilët janë vënë në prangat e policisë.
Abuzimi seksual dyshohet se ka ndodhur në datën 7 Dhjetor, dhe është provuar nga ekspertiza mjekoligjore, që iu është kryer dy motrave 19 dhe 16 vjeç. Kallëzimi në polici është bërë nga burri i njërës prej tyre, dhe ngjarja është mbajtur e fshehtë për disa ditë, nga frika që vajzat kanë pasur.
Njoftimi i policisë:
Specialistët për Hetimin e Krimeve të Komisariatit të Policisë Berat vunë në pranga shtetasit A. N., 33 vjeç dhe A. Sh., 20 vjeç, të dy banues në Berat, pasi dyshohet se kanë kryer marrëdhënie seksuale me dhunë, me 2 shtetase 19 dhe 16 vjeçe.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
