Partia Demokratike do të kërkojë ngritjen e një komisioni hetimor për udhëtimet me charter të kryeministrit Edi Rama.
Ky lajm është bërë me dije nga nënkryetari i Partisë Demokratike, Luçiano Boçi, i cili tha se PD do të kërkojë ngritjen e një komisioni hetimor për të zbuluar para shqiptarëve “ fytyrën e vërtetë të regjimit”.
Sipas Boçit çdo tentativë për të penguar këtë komision do të konsiderohet si përpjekje për të fshehur të vërtetën para shqiptarëve.
“Do kërkojmë ngritjen e një komisioni hetimor për të zbuluar para shqiptarëve fytyrën e vërtetë të regjimit. Do kërkojmë mbështetjen e të gjithë deputetëve. Çdo tentativë për ta penguar këtë komision do të konsiderohet si tentativë për të fshehur të vërtetën para shqiptarëve”, tha Boçi.
Kujtojmë se disa ditë më parë hakerat publikuan të dhënat personale të kryeministrit Edi Rama, ku bënin pjesë edhe udhëtimet që ai kishte kryer me charter. Në një reagim Rama tha se këto udhëtime nuk janë bërë me charter personal, por me një avion për të cilin është akuzuar edhe më herët.
