SPAK ka sekuestruar 25 pasuri nga një grup kriminal i dënuar në Belgjikë, përfshirë D.D. dhe familjarët e tij, D.S., B.A., A.H., L.V., dhe D.H. Kjo veprimtari hyn në kuadër të një procedimi pasuror në Shqipëri, që synon parandalimin dhe goditjen e krimeve të organizuara dhe korrupsionit. Të dyshuarit janë ndëshkuar në Belgjikë për vjedhje dhe për krijimin e një grupi të strukturuar kriminal.
Hetimet kanë treguar se pasuritë e sekuestruara, të cilat përfshijnë prona të paluajtshme, automjete dhe shuma monetare, nuk janë të justifikueshme nga burimet legjitime, duke sugjeruar se ato janë rezultat i veprimtarive të paligjshme.
Ndër pasuritë e sekuestruara janë:
– 9 pasuri të paluajtshme
– 1 subjekt tregtar (“GUARD SECURITY”)
– 6 automjete (3 automjete dhe 3 motorë)
– Shuma monetare: 77,360 euro, 2,055,000 lekë, dhe 1,150 paund britanik
– 52 orë dore të markave të ndryshme
– Më shumë se 35 copë bizhuteri
– 32 monedha ari
– 15 pajisje elektronike, përfshirë 2 laptopë, 5 iPad dhe 8 kamera
Këto sende me vlerë janë sekuestruar pas kontrolleve në banesat e individëve të përfshirë dhe në përputhje me kërkesat për ndihmën juridike nga autoritetet belge. SPak-u vazhdon hetimet dhe masat preventative për të goditur krimin organizuar dhe pastrimin e parave.
