Në Stacionin Kufitar të Kakavijës, fluksi i lëvizjes vijon të jetë i lartë gjatë festës së Pashkës, me aktivitete të intensifikuara në të dyja anët e kufirit me Greqinë. Sipas Policisë Kufitare, gjatë 24 orëve të fundit janë përpunuar 10,076 shtetas në hyrje-dalje, nga të cilët 6,838 në hyrje dhe 3,238 në dalje. Po ashtu, janë regjistruar 3,358 mjete në hyrje-dalje, me 2,411 në hyrje dhe 947 në dalje.
Dogana shqiptare operon me katër sportele në hyrje dhe dy në dalje, ndërsa pala greke ka tre sportele në hyrje dhe tre në dalje. Aplikimi i ri i regjimit të kontrollit për hyrjen në zonën Shengen ka shkaktuar zgjatje të kohës së pritjes në sportelet e doganës greke në Kakavijë.
