Katër kandidatët për drejtorin e ri të SPAK-ut, Adnan Xholi, Doloreza Musabelliu, Elvin Gokaj dhe Klodjan Braho, paraqitën platformat e tyre përpara anëtarëve të Këshillit të Lartë të Prokurorisë (KLP) dhe përfaqësuesve ndërkombëtarë gjatë një sesi që zgjati nga ora 09:00 deri në 14:50. Votimi për këtë post do të ndodhë sipas një rregulloreje të re, ku anëtarët e KLP do të shkruajnë emrin e prokurorit në fletë të bardhë, pa votim me dorë. Kryetari i KLP do të ketë një votë në rast barazimi, ndryshe nga rregulli i mëparshëm.
Profilet e kandidatëve:
Adnan Xholi është një prej emrave më të njohur në garën për udhëheqës të SPAK-ut. Lindur në Dibër më 6 korrik 1975, ai ka përfunduar studimet në Fakultetin e Drejtësisë dhe ka qenë prokuror që nga 2004. Ka mbajtur detyra të ndryshme në Prokurorinë e Rrethit Gjyqësor dhe në Prokurorinë për Krime të Rënda në Tiranë. Aktualisht, ai është prokuror në Prokurorinë e Posaçme kundër Korrupsionit dhe Krimit të Organizuar.
Doloreza Musabelliu, e diplomuar në vitin 2002 në Universitetin e Tiranës dhe në vitin 2005 në Shkollën e Magjistraturës, ka qenë prokurore në Prokurorinë për Krime të Rënda deri më 2019. Tani, ajo është prokurore në SPAK.
Elvin Gokaj, i diplomuar në Universitetin “Luigj Gurakuqi” (1998), është emëruar prokuror në vitin 2000. Ai ka shërbyer në Prokuroritë e disa gjykatave të Shkallës së Parë dhe aktualisht është prokuror në SPAK.
Klodian Braho, lindur në Skrapar më 21 korrik 1982, ka përfunduar studimet në Fakultetin e Drejtësisë dhe Shkollën e Magjistraturës. Ai është emëruar prokuror në vitin 2007 dhe ka mbajtur detyra të ndryshme në Prokurorirat e rrethit, si dhe në SPAK që nga 2019.
Kandidatët e shpallur prezantojnë një gamë të gjerë përvojash dhe karrierash, duke kujtuar rëndësinë e këtij procesi në forcimin e institucionesve të drejtësisë në vend.
