PORTUGALI- Një djalë 12-vjeçar goditi me thikë gjashtë shokët e tij të klasës dhe një mësues në një shkollë në qytetin Azabusa, rreth 50 kilometra në verilindje të Lisbonës. Lajmin e konfirmoi edhe policia portugeze ndërsa shtuan se autori i sulmit është arrestuar.
Gjendja e të plagosurit nuk ngjall shqetësim, megjithëse një vajzë u dërgua në spital me lëndime të rënda, sipas një raportimi të një oficeri policie që nxitoi në shkollë. Deri më tani, motivi i sulmit mbetet i paqartë.
Kryebashkiaku Silvino Lucio për CNN Portugal tha se sulmuesi filloi të godiste me thikë të gjithë ata që shihte. Në deklaratat e tij më vonë për rrjetin SIC Notícias, ai zbuloi më shumë detaje: pas një debati, 12-vjeçari la shkollën, shkoi në shtëpi dhe u kthye pak më vonë. Më pas ai nxori nga çanta e shpinës atë që dukej si një jelek antiplumb dhe një thikë, me të cilat sulmonte pa dallim këdo që e rrethonte.
