SHKODËR- Kandidatja për deputete e Partisë Socialiste në qarkun e Shkodrës, Edona Bilali ka hequr nga rrjetet e saj sociale spotin elektoral, nga i cili u kryqëzua me komente negative nga qytetarët. Pas një vëzhgimi të rrjeteve të saj sociale shihet se spoti nuk ekziston më.
Ndonëse i fshirë nga kandidatja socialiste videoja e spotit ende qarkullon në rrjet, ndërsa nga qytetarët është cilësuar si qesharak.
Në video shihet aktori Besnik Çinari, i shtruar në spital i cili pyet doktorin nëse mund ta kapë 11 majin, dita e zgjedhjeve parlamentare të 11 majit. Pasi mjeku ia konfirmon që do të jetë mirë, i moshuari thekson se i ka premtuar votën Bilalit dhe sapo merr lajmin e mirë për shëndetin e tij i uron mandatin kandidates.
Ndjekësit shprehen menjëherë zhgënjimin dhe mospëlqimin e kësaj zgjedhjeje të saj për spot. Duhet theksuar se shumë të moshuar kërkojnë të votojnë me shpresën për tu plotësuar kushtet po ky spot tregon qartë që kur ata japin fjalën duan ta çojnë deri në fund. Nuk dihet se çfarë i ka “premtuar” Edona Bilali të moshuarit i cili mendon vetëm të kapë 11 majin për të mbajtur fjalën e tij, ndoshta ndonjë benefit pasi krimet elektorale çdo ditë shfaqen edhe më shumë.
