TIRANË– Gjykata e Apelit ka vendosur ditën e sotme lënien në fuqi me 1 vit burg për deputetin demokrat, Ervin Salianji, lidhur me dosjen “Babale”.
Dënimi nga gjykata e shkallës së parë, mund t’i heqë Salianjit mandatin e deputetit. Avokati i tij, Redi Ramaj u shpreh se duhet kuptuar fillimisht nëse është vendim i formës së prerë. Nëse është i tillë Salianjit i hiqet mandati.
Ndërkohë emri që e pason në Kuvend, është demokrati Andrea Mano. Ky i fundit ka mbajtur detyrën e drejtuesit të PD në qytetin e Korçës.
