Partia Socialiste nuk ndal presionet dhe intimidimin e qytetarëve gjatë fushatës elektorale.
Incidenti i radhës ka ndodhur në Bashkinë e Bulqizës, kur një prej punonjësve së kësaj bashkie, i ngarkuar për të intimiduar qytetarët, ka shkuar në ambientet ku zhvillohej një prej takimeve elekotrale të Partisë Demokratike, për të identifikuar dhe intimiduar këdo që merrte pjesë dhe shprehte mbështetjen për opozitën.
Sipas të dhënave, bëhet fjalë për punonjësin e sektorit të ndihmës ekonomike në këtë bashki, Kalosh Murra, i cili jo vetëm ka intimidonte pjesëmarrësit në takim, por ka ofenduar dhe shantazhuar edhe organizatorët e këtij takimi.
Pas ankesës së vetë qytetarëve, se po fotografoheshin nga shpërndarësi i ndihmës ekonomike në bashki, ka reaguar edhe deputeti Xhelal Mziu, i cili ka shkuar në vendin ku Murra intimidonte qytetarët dhe i ka kërkuar të largohet dhe të mos bëhet shkas për prishjen e takimit elektoral të opozitës.
Por nga ana tjetër, Murra ka refuzuar që të largohet dhe është kundërpërgjigjur me fyerje ndaj deputetit Xhelal Mziu, çka ka sjellë tensionim të situatës.
Në vend të largimit, Murra ka njoftuar për incidentin drejtuesit e shtabit të Partisë Socialiste, të cilët më pas duket se e kanë orientuar që të denoncojë deputetin Mziu, në vend të distanicimit nga krimi elektoral i kërcënimit dhe intimidimit të qytetarëve me heqjen e ndihmës ekonomike në rast se mbështesin opozitën.
