Të premten, vendi ynë pritet të ndikohet nga kushte atmosferike të qëndrueshme. Moti do të karakterizohet nga kthjellime të shpeshta, me alternime vranësirash mesatare dhe hera-herës të dendura, sidomos në relievet malore në jug gjatë orëve të mesditës.
Reshjet e shiut do të paraqiten me intensitet të ulët, kryesisht të karakterit lokal, përqendruar në relievet malore jugore në orët e mesditës dhe pasdite. Era do të fryjë lehtë, me drejtim juglindje-veriperëndim dhe shpejtësi mesatare prej 7 m/s. Ndërkohë, deti pritet të ketë valëzim të forcës 1-2 ballë.
