Ferrari ka prezantuar një hypercar virtuale, e quajtur F76, e cila do të mbetet përherë në botën digjitale dhe nuk do të preki ndonjëherë asfaltin. Kjo makinë e re paraqet një homazh për modelin legjendar 166 MM të vitit 1949, i njohur për fitoren e tij në Le Mans me Luigi Chinetti dhe Lord Seldon.
E dizajnuar nga Flavio Manzoni, Ferrari F76 është ekskluzivisht për anëtarët e ‘Hyperclub’, një komunitet të veçantë për klientët e Ferrari në botën e garave endurance. Çdo ekzemplar i F76 është një NFT (identifikues digjital) unik, rezultat i një procesi krijues që zgjati tre vjet.
Ky model i ri shënon një hap në një dimension të ri për Ferrari, ku pasioni për markën Cavallino Rampante takohet me metaversin. Kjo përfshin një ndërthurje të artit digjital me inxhinierinë virtuale, duke u ofruar klientëve një përvojë unike. Nuk është hera e parë që Ferrari e eksploron këtë botë digjitale; në vitin 2022, kompania prezantoi Vision Gran Turismo, një hipermakinë e dizajnuar për universin e lojës Gran Turismo 7.
Me këto iniciativë, Ferrari po i hap dyert një të ardhmeje digjitale, duke forcuar lidhjen e saj me adhuruesit dhe koleksionistët në një mënyrë inovative.
