Kreu i Partisë Demokratike Sali Berisha komentoi sot gjatë një konference për shtyp se protestat në theth për prishjet e ndërtimeve pa leje. Berisha tha se një terror dhe krim i shëmtuar po ushtrohet mbi banorët dhe turistët e Thethit.
Sipas Berishës ajo që po ndodh në Theth bëhet edhe pë të shpërqëndruar vëmendjen nga ajo që e konsideron si farsë elektorale, pra zgjedhejt e 11 majit. Kryedemokrati tha se kjo nuk është çmenduri sepse është qëllim që bazohet në një urrejtje patologjike të papërmbajtur të një njeriu.
Ai tha se asnjë pëllëmbë nuk është ‘tokë e xanun’, dhe se çdo pëllëmbë tokë e atyre fshatarëve është tokë e trashëguar brez pas brezi. Berisha tha se kontejnerët në livadh duhej të kishin bërë deklaratën, por nuk janë ndërtime pa leje duke shtuar se ndërtime pa leje, sipas vendimit të firmosur nga vetë Rama janë ndërtimet me themele.
Gjithashtu Berisha publikoi edhe provat e manipulimit të votës së diasporës për zgjedhjet e 11 majit. Gjatë fjalës së tij Lideri i opozitës u shpreh se zarfet për votuesit tanë u dorëzuan nga DHL, 1 ose 2 ditë para votimeve, ose pas zgjedhjeve.
Kryedemokrati gjithashtu theksoi se Parlamentin Europian u deklarua nga dy përfaqësues kryesorë të këtij parlamenti se zgjedhjet nuk ishin të ndershme. Berisha paralajmëroi edhe protesta me nisjen e sesionit të ri Parlamentar në shtator. Berisha tha se protestat janë të vonuara, duke shtuar se nuk ka asnjë rrugë tjetër. Sipas tij, shqiptarët duhet të përballjen me atë që e quajti narkoshtet. Ai i bëri thirrje Kreut të Komisionit Qendror të Zgjedhjeve Ilirjan Celibashit që të dorëzojë të gjithë dokumentacionin e votës së diasporës.
Gjatë fjalës së tij Kryedemokrati u shpreh gjithashtu se seksioni shqiptar i DHL është shndërruar në një seksion kryekëput të Partisë Socialiste. Sipas tij ky akt me votën e diasporës është një urrejtje e papërmbajtur ndaj atyre që u përzunë nga vendi dhe tani kur fituan të drejtën e votës, vota e tyre u shndërrua në farsë dhe manipulohet në shkallë ekstreme.
Berisha u shpreh se filiali shqiptar i DHL-së është i korruptuar dhe kanë ndarë milionat me PS-në. Lideri i opozitës duke folur në konfrencë për shtyp tha se firmat janë 90 përqind firma falsifikatorësh të cilët kanë mbajtur zarfin tre javë dhe kanë bërë sikur e kanë dorëzuar.
