Shkroi: Soni Salihi
U zhvillluan sot 3 ndeshjet e para të javes së 21 të Abissnet Superiore ku korcarët e Skënderbeut “luftuan” fort kundër Tiranës duke arritur në fund ta mundin me rezultatin 3-4 ndërsa ndeshjet e tjera, Vllaznia-Partizani dhe Teuta-Laçi u mbyllën në barazim 1-1.
Përballja që kishte më shumë interes nga publiku ishte pikërisht ajo e zhvilluar në “Loro Borici” ku ndesheshin vendi i 2 dhe ai i 3 i kampionatit përballë njëri-tjetrit, Vllaznia-Partizani. Të parët që kaluan në avantazh ishin “demat e kuq” në minutën e 23’ ku falë një skeme të ekzekutuar mjaft mirë nga goditja e këndit, senegalezi Maguette çoj topin në rrjetë me një goditje me kokë. Vendasit arritën të barazonin gjithçka në minutën e 42’ pasi golashënuesi më i mirë i kampionatit Bekim Balaj, arriti të realizoj nga pika e bardhë e penalltisë. Skuadrat dukej se ishin të kënaqur me barazimin dhe rezultati mbeti i njëjtë deri në fundin e takimit.
Takimi Tirana-Skënderbeu dhuroj plot gola dhe spektakël teksa korcarët morën një fitore tepër të rëndësishmë në garën për mbijetesë kurse nga ana tjetër, “Bardh e Blutë” pësojnë një tjetër disfatë duke lëkundur pozitat e tyre në zonën “Play-Off” dhe e shohin veten vetëm 4 pikë larg Laçit që ndodhet në vendin e 5.
Ditën e nesërme do të zhvillohen edhe 2 ndeshjet e mbetura të kësaj jave ku do të shohim përballjet Egnatia-Erzeni dhe Dinamo-Kukësi.
