Pamjet me dron të capur nga aksin Librazhd-Elbasan tregojnë një situatë kaotike në trafikun e automjeteve, ku qindra makina lëvizin me shpejtësi jo më të madhe se 10 km/h. Bllokimi është veçanërisht i theksuar në segmentin Librazhd-Fushë Labinot, ku po kryhen punime për zgjerimin e rrugës, duke ndikuar ndjeshëm në qarkullim.
Ky ngërc mësohet të jetë rezultat i numrit të lartë të vizitorëve që kanë zgjedhur juglindjen për t’i kaluar festat. Tani, ata po kthehen në shtëpitë e tyre për t’u përgatitur për javën e parë të punës në vitin 2026. Prej tre ditësh, ky segment rrugor po përballet me një fluks të rënduar automjetesh, duke e vështirësuar ndjeshëm lëvizjen.
Sistemi rrugor duket se ka arritur kufijtë e tij në këtë periudhë, duke shkaktuar shqetësime për udhëtarët që përpiqen të arrijnë destinacionet e tyre. Këto pamje ilustrojnë qartë sfidat që po hasin drejtuesit e automjeteve dhe nevojën për zgjidhje të shpejta në infrastrukturën rrugore.
