Deputeti i PD, Edi Paloka ka folur për takimin me Gazment Bardhin, për bisedimet e zhvilluara për bashkimin e PD si dhe për daljen me një kandiatat për zgjedhjet lokale të 2023.
Paloka madje zbuloi se ka pasur edhe një tjetër takim me Bardhin larg syve të mediave në kafen e Kuvendit.
Ai tha se kanë dhënë disa ide, por që nuk dha një përgjigje nëse do jenë bashkë në zgjedhje, teksa tha se bisedat vazhdojnë.
“Mu dukë se kishte një vullnet për bashkëpunim që është dalja me një kandidat në zgjedhje lokale. Bisedime që hyjmë pa asnjë kusht. Nuk kemi asnjë kushtë për grupin tjetër jemi krejtësisht të hapur.
Nëse dalim me një kandidat e shoh si një hap që do çonte në bashkimin përfundimtar. Unë nuk mund ta them sot. Ka dy realitete që mund të eciun paralelisht mund të ndërthyren, por edhe në krahe të kundërta. Grupin i deputetëve me të cilët ne po bisedojmë të japin idetë e tyre për kandidatë të përbashkta. A do ketë rezultate edhe sot e kam vështirë ta them. Edhe pala tjetër të qëndojë dhe mos vëjë kushte.
Nuk kemi hyrë fare në biseda me numra dhe emra. Biseda e parë ka qenë në parim, kam komunikuar me zotin Bardhi. Kemi pasur një bisedë në kafe dhe Kuvend. Është zhvilluar të enjten e kaluar. Jemi në këtë pozita. Nëse kemi deklauar që s’duhet të kemi kushte duhet t’i qëndojmë kësaj”tha Paloka ndrë të tjera për “Kjo Javë”.
