Irani ka nënshkruar një marrëveshje sekrete me Rusinë, e cila ka vlerë rreth 500 milionë euro, për të blerë mijëra raketa të përparuara, sipas raporteve të mediave ndërkombëtare. Marrëveshja është realizuar në Moskë në muajin dhjetor dhe parashikon që Rusia të furnizojë Iranin me 500 raketa portative Verba dhe 2,500 raketa M336 gjatë tri viteve të ardhshme.
Kjo marrëveshje është negociuar mes Rosoboronexport, eksportuesit shtetëror rus të armëve, dhe Ministrisë së Mbrojtjes dhe Logjistikës së Forcave të Armatosura të Iranit (MODAFL). Dërgesat pritet të realizohen në tri faza, filluar nga viti 2027 deri në vitin 2029.
Përveç ndikimit të drejtpërsërdrejtë në kapacitetet ushtarake të Iranit, kjo marrëveshje shënon një zhvillim të rëndësishëm në marrëdhëniet midis Moskës dhe Teheranit, duke nxjerrë në pah afrimin e tyre në kontekstin e tensioneve ndërkombëtare.
