Në pesë bashkitë e qarkut, aplikimet e banorëve për “Paketën e Maleve” po shënojnë një rritje të ndjeshme. Bashkia Shkodër udhëheq me 670 aplikime, me fokus në zonat e Dukagjinit, ku Thethi është lider në numrin e kërkesave. Po ashtu, Bashkia Vau i Dejës ka regjistruar mbi 200 aplikime nga banorët.
Situata e aplikimeve tregon se shumica e banorëve janë nga zona që kanë përfituar zhvillim turistik në vitet e fundit. Këta banorë shpresojnë se, përmes Paketës së Maleve, do të arrijnë të marrin në mënyrë ligjore tokat që u takojnë nga trashëgimia. Kjo fitore krijon mundësi për ruajtjen e pronësisë dhe zhvillimin e mëtejshëm të këtyre zonave, ku turizmi ka patur një rol jetik.
Rritja e aplikimeve tregon një interes të thellë për shfrytëzimin e mundësive që ofron kjo paketë, duke reflektuar nevojën e banorëve për të institucionalizuar pronat e tyre dhe për të kontribuar në zhvillimin ekonomik lokal.
