SHBA- Një ditë para zgjedhjeve në SHBA, dy kandidatët për president, republikani Donald Trump dhe demokratja Kamala Harris po bëhen gati për minutat e fundit të fushatave elektorale.
Këto mesazhe mund të jenë vendimtare për amerikanët që nuk kanë votuar ende. Harris do të shkojë në shtetin e Pensilvanisë, ku do të mbajë mitingje në Allentown, Pittsburgh dhe Filadelfia. Ajo dhe kundërshtari i saj presidencial kanë kaluar shumë kohë në atë shtet në javët e fundit.
Ndërkohë, Trump do të bëjë një turne sot në tre fusha të ndryshme beteje, duke bërë paraqitje në Karolinën e Veriut, Pensilvani dhe Miçigan.
