Sesioni i transferimeve për dimrin 2025/26, i hapur më 2 janar, përfundon sot në orën 20:00, me klubet që po nxitohen të finalizojnë marrëveshjet. Më poshtë janë disa nga lëvizjet kryesore të ditës.
Atalanta ka konfirmuar shitjen e Ademola Lookman te Atlético de Madrid për një shumë të konsiderueshme, një transferim që ka tronditur merkato për shkak të ndikimit të lojtarit në skuadër këtë sezon.
Manchester United ka vendosur të mbajë Tyrell Malacian pas lëndimit të Patrick Dorgu, i cili do të mungojë për disa muaj. Fillimisht, Malacia kishte qenë në shënjestër për huazim, por klubi anglez ka preferuar ta mbajë për të mbuluar pozitat e nevojshme në mbrojtje.
Liverpooli ka arrijtur një marrëveshje me Rennes për mbrojtësin Jeremy Jacquety për rreth 70 milionë euro. Pas suksesit në vizitat mjekësore, ai do të firmosë një kontratë deri në vitin 2031, duke u shndërruar në një nga investimet më të mëdha për “The Reds” këtë dimër.
Arsenali është në kërkim të një zëvendësuesi për Mikel Merinon, i cili do të mungojë për disa muaj pas një lëndimi të rëndë. Trajneri Mikel Arteta ka konfirmuar se skuadra po shqyrton mundësitë për të sjellë një mesfushor tjetër për të zëvendësuar Merinon.
Besiktashi ka shfaqur interes për mbrojtësin e Arsenalit, Nuno Tavares, i cili ka pasur pak mundësi për lojë këtë sezon. Të dy klubet janë angazhuar për të arritur një marrëveshje për huazimin e tij, duke pasur parasysh afatin kalimtar në Turqi, që mbyllet më 6 shkurt.
Daniele Rugani ka mbërritur në Firence për të nënshkruar me Fiorentinën pas largimit nga Juventusi, një lëvizje që pritej për shkak të pak përdorimit të tij këtë sezon.
Një tjetër zhvillim është refuzimi i Chelsea-t për huazimin e Josh Acheampong, një mbrojtës i ri shumë të talentuar. Edhe pse shihet si një lojtar me potencial, “Blutë” kanë vendosur ta mbajnë atë.
Yahya Idrissi ka nënshkruar me Milan Futuro, një projekt i ri për zhvillimin e talenteve të rinj, duke u bërë pjesë e planit të klubit për të ardhmen.
Karim Benzema është afër transferimit nga Al-Ittihad në Al Hilal, me negociatat në zhvillim.
Mbrojtësi i Chelseat, Alex Disasi, është gjithashtu afër një marrëveshjeje me West Ham, për të siguruar më shumë minuta loje në Premier League.
