Udhëheqësi i opozitës izraelite, Gair Lapid, ka shpallur një grevë në solidaritet me pengjet izraelite në Gaza, e cila do të mbahet të dielën e ardhshme. Kjo thirrje pason një kërkesë nga familjet e pengjeve, të cilat janë thellësisht të shqetësuara për fatin e të dashurve të tyre. Në një postim në platformën X, Lapid apeloi për pjesëmarrje të gjerë, duke përfshirë edhe ata që e mbështesin qeverinë aktuallë të Benjamin Netanyahut. Ai tha se kjo grevë nuk është një çështje politke, por një akt solidariteti për pengjet që vazhdojnë të mbahen nga Hamas dhe Xhihadi Islamik pas sulmit të 7 tetorit.
Më 10 gusht, rreth 20 të afërm të pengjeve patën organizuar një thirrje për një grevë të përgjithshme, duke ftuar popullin israeli ta mbështesë këtë nismë. Forumi i Familjeve të Pengjeve, organizata kryesore që përfaqëson të afërmit e pengjeve, në një deklaratë të fundit kërkuan që vendi të “paralizohej” në këtë ditë. Megjithatë, sindikata kryesore izraelite, Histadruti, vendosi të mos e paralizojë ekonominë, por të mbështesë demonstratat e solidaritetit.
Të dhënat tregojnë se nga 251 pengjet e rrëmbyera gjatë sulmit të 7 tetorit, 49 prej tyre vazhdojnë të mbesin të burgosur në Gaza. Nga këto, 27 janë raportuar se kanë humbur jetën, duke shkaktuar një shqetësim të madh brenda shoqërisë izraelite. Disa javë më parë, Hamas dhe Xhihadi Islamik publikuan video tronditëse të dy pengjeve, që ishin në një gjendje shumë të rënduar, duke shtuar kështu presionin mbi qeverinë izraelite.
Kryeministri Netanyahut po përballet me kritika të ashpra për mënyrën se si po menaxhon situatën, ndërsa vendi vazhdon të kalojë një krizë humanitare të thellë në Gaza. Kjo atmosferë tensioni dhe kërkesa për përgjigje po i shtojnë presionin qeverisë për një zgjidhje për pengjet dhe për një armëpushim.
