Policia e Krujës në bashkëpunim me stacionin e policisë Fushë Krujë dhe Forca e Posaçme Operacionale të Durrësit kanë zbuluar një parcelë të madhe me fidanë kanabisi në zonën e Niklës.
Sipas të dhënave, në parcelën e fshehur në një zonë të pyllëzuar u zbuluan më shumë se 1140 fidanë të dyshuar narkotikë cannabis sativa, të cilat u asgjësuan me djegie.
Ndërkohë, strukturat hetimore vijojnë veprimet e thelluara për identifikimin dhe kapjen e autorëve të kësaj tentative për kultivimin e bimëve narkotike.
Materialet procedurale i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme, për veprën penale “Kultivimi i bimëve narkotike”.
