Ish-kryeministri Sali Berisha është pritur me entuziazëm dhe brohotitje sot nga banorët e Lazaratit, me të cilët kreu i PD po zhvillon një bashkëbisedim.
Berisha falenderoi banorët për pritjen madhështore, ndërsa theksoi se ndihet krenar për qytetarët e Lazaratit, të cilët kanë dhënë kontributin e tyre në Partinë Demokratike, që nga themelimi i saj.
“Me mirënjohjen mëë të thellë para jush për mbështetjen e jashtëzakonshme që ju i keni dhënë PD që nga themelimi i saj. Dua të shpreh krenarinë time dhe t’u garantoj se ndihem krenar dhe ndihem i detyruar pafundësisht ndaj burrave dhe grave të Lazaratit për kontributin tuaj në PD”, u shpreh Berisha.
