Çështja e inceneratorëve ka hapur debat në Kuvend mes deputetit të Partisë Demokratike, Agron Shehajt dhe kryeministrit Edi Rama.
Nga foltorja e Kuvendit, Shehaj tha se inceneratori i Tiranës është në pronësi të një kompanie offshore, por sërish vazhdojnë pagesat ndaj tij. Kjo, sipas Shehajt, tregon se pronari i vërtetë i kësaj kompanie offshore, mund të jetë kryeministri Rama.
Deklarata e deputetit demokrat solli reagimin e kryeministrit Edi Rama. Me tone të ashpra, ai iu drejtua Shehajt duke u shprehur: Ose je idiot, ose bën vetë.
Shehaj: Inceneratori i Tiranës, vijon të jetë në pronësi të një personi të shpallur në kërkim. Ne dimë që inceneratori i Tiranës është në pronësi të një kompanie offshore. Tani pse them unë se pas kompanisë offshore jeni ju zoti Rama. Unë krijova bindjen sepse pashë çfarë ndodhi me kompaninë “D Albania”. Kjo fitoi tenderin e Unazës së Madhe. Ju i dhatë miliona euro zoti Kryeministër. Edhe ata, unë nuk kam parë që kur kapet një hajdut, gjëja e parë që bën, t’i kthejë paratë të vjedhurit. Po të ishit të gënjyer nga ai zotëria, ai s’do kishte kthyer paratë.
Përdorimi i një kompanie offshopre, vazhdimi i pagesave pavarësisht se SPAK thotë që këta janë të korruptuar, këta kanë përfituar kontratën konçensionare të Tiranës, Elbasanit, Fierit përmes korrupsionit, dhe ju vazhdoni ta paguani. Dhe kjo kompani është në pronësi të një kompanie offshore, dhe duke pasur parasysh historikun që ne kemi me këto kompanitë offshore, më bën të mendoj se pas inceneratorit të Tiranës, jeni vetëm ju, ose hajdeni dhe na thoni, ose jeni të paaftë që ju gënjen kushdo, ose jeni ju pronarët e vërtetë.
Rama: Ju thatë që unë fshihem pas një offshori në Holandë. Dhe unë ju thash ‘a ka mundësi këtu dhe të thirrni provën për këtë që thoni’? Se kjo është shumë e rëndë, dhe ju ta thoni këtë literalisht, do të thotë që dispononi një provë. Nëse e sil;lni një provë, unë duhet të jem përpara drejtësisë. Në të gjithë atë që thatë, unë nxora një deduksion, ose ju jeni idiot ose bëni vetë.
T’i thuasht tjetrit që është bnë krye të qeverisë, t’ia thuash në sytë e publikut, që jeni të fshehur pas një kompanie offshore, dhe të bësh një skeç këtu se rruga Tiranë-Vlorë është kaq kiolometra dhe unë kam lindur në Selenicë, dhe më pas deduktoj se gjyshja jote është 72 vjeç? Këto janë akuza ekstreme. Nuk mund të zini foltoren e Kuvendit dhe t’i drejtoheni një publiku të tërë, duke thënë se kryeministri fshihet pas një kompanie offshre. Nëse është e vërtetë, duhet të veprojë drejtësia menjëherë.
Është njësoj si të them unë se ju jeni në kërkim ndërkombëtar. S’mund të them kot unë me arsyetimin tuaj. S’mund të thuhen këto gjëra. Bëtë gjithato akuza, dhe në fund fare, ju thash me mirësi, ma jepni provën.
